Botanika bog‘ining qishki manzarasi

F.N. Rusanov nomidagi Toshkent botanika bog‘i MDH hududidagi eng katta va eng qadimiy tabiiy bog‘lardan biridir. Hozirgi kunda botanika bog‘i O‘zbekiston Respublikasi Fanlar akademiyasi O‘simlik va hayvonot dunyosi genofondi institutiga tegishli. Umuman olganda O‘zbekistondagi birinchi botanika bog‘i 1920-yilda O‘rta Osiyo davlat universiteti talabalari va olimlari tomonidan yaratilgan eng go‘zal va bahavo maskanlaridan biridir.

Bugungi kunda 67 gektarlik zamonaviy bog‘ maydoni poytaxtning shimoliy qismida joylashgan. Bog‘ kolleksiyasida 6000 dan ortiq o‘simlik turlari mavjud. Botanika bog‘ida poytaxtimizga uchib keladigan 30 dan ortiq turdagi ekzotik qushlarni uchratishingiz mumkin.