O‘zbekistonda otaning ismini farzandga familiya qilib berishga ruxsat beriladi

O‘zbekistonda endilikda otaning ismini farzandga familiya sifatida berish mumkin bo‘ladi. Bu haqdagi qonun 8-avgust kuni Senat tomonidan ma’qullandi va imzolash uchun Prezidentga yuborildi.

Amaldagi tartibda bolaning familiyasi odatda ota yoki onaning familiyasi asosida belgilanadi. Milliy an’anaga ko‘ra, boboning ismini ham familiya sifatida berish mumkin. Yangi o‘zgartirish kuchga kirsa, masalan, otaning ismi “Ali” bo‘lsa, farzandning familiyasini “Ali” deb rasmiylashtirish mumkin bo‘ladi.