Telegram messenjer qoidalarini buzganlar huquq-tartibot organlariga topshiriladi

Pavel Durovning xabar berishicha, jinoyatchilar Telegram qidiruvini suiiste’mol qilishidan qo‘shimcha to‘xtatish uchun, messenjerda xizmat ko‘rsatish shartlari hamda Maxfiylik siyosati yangilandi va ular butun dunyo bo‘ylab bir xil bo‘ladi. Qoidalarni buzganlarning IP-manzillari va telefon raqamlari qonuniy talablarga javoban tegishli organlarga oshkor qilinishi mumkin.

Telegram, shuningdek, sun’iy intellekt yordamida global qidiruvni keraksiz kanallar va botlardan tozalaydi hamda buni doimiy ravishda amalga oshiradi. Qidiruvda aniqlangan barcha shubhali kontentga kirish imkoni yo‘q. Agar siz hali ham Telegram qidiruvida xavfli yoki noqonuniy biror narsani topsangiz, bu haqda @SearchReport orqali xabar berishingiz mumkin.