Qozog‘istonlik o‘qituvchilar ChatGPT’dan bepul foydalanadi

Qozog‘iston hukumati va OpenAI ta’lim sohasida hamkorlik memorandumi imzoladi.
Shunga ko‘ra, mamlakatdagi pedagoglarga har yili 165 mingta ChatGPT Edu litsenziyasi beriladi. Maxsus ta’lim versiyasi o‘qitish sifatini oshirish va ma’muriy vazifalarni kamaytirishga mo‘ljallangan. Kelishuv o‘qituvchilarga sun’iy intellekt vositalaridan samarali foydalanish imkonini yaratadi va butun mamlakat maktablarida innovatsion ta’lim yechimlarini joriy etishga xizmat qiladi.