Ronaldu: “Ko‘proq sovrinlar yutib, 1000 ta golga erishmoqchiman, InshaAllah”

Portugaliyalik hujumchi Krishtianu Ronaldu Globe Soccer Awards marosimida faoliyati davomida 1000 ta gol urish niyatida ekanini ma’lum qildi. Hozirda uning hisobida 956 ta gol bor. Ronaldu tadbirda ketma-ket uchinchi yil Yaqin Sharqning eng yaxshi futbolchisi deb topildi. U so‘zlarida motivatsiyasi hanuz yuqori ekanini, o‘ynashni davom ettirishni, gol urishni va sovrinlar yutishni istashini ta’kidladi. “Agar jarohatlar bo‘lmasa, bunga erishaman, InshaAllah,” — dedi u. Futbolchining “InshaAllah” degani ijtimoiy tarmoqlarda muhokamalarga sabab bo‘ldi, ammo Ronaldu Islomni qabul qilgani haqida rasmiy e’lon qilmagan.