“O xanami”- sakuradan zavqlanish mavsumi

Mart oyining ikkinchi yarmidan boshlab Yaponiyada betakror sakura daraxti gullay boshlaydi. Yaponiyada sakura daraxti gullashiga alohida e’tibor bilan qaraladi. Sakura gullash mavsumi Tokiodagi qadimgi Yasukuni ibodatxonasidagi sakura daraxti gullashi bilan belgilanadi. Ilk pushti gullar kurtak yozishi bilan yaponiyaliklar bog‘, xiyobon va ibodatxonalarda soatlab sakura gullarini tomosha qilishdan zavqlanadilar. Bu zavqlanishga yaponiyaliklar “o xanami” deb nom berishgan. 18:00 dan keyingi soatlar sakura gullari ostida sayr qilish uchun eng yaxshi vaqt hisoblanadi.