Barchani kuldirgan omadsiz o‘g‘ri

Braziliyada 20 yoshli yigit tunda bankni talon-taroj qilishga urindi. Avval bankomatlarni urdi va sindirdi, lekin pul ololmadi. Keyin ichki aylanuvchi eshikdan o‘tishga harakat qilib, bir necha daqiqa tiqilib qoldi. Harakat chog‘ida shimlari tushib, faqat ichki kiyimda qoldi. Eshikdan amallab o‘tib olgach, xizmat stollarini va cheklar saqlanadigan kabinetni tekshirdi, lekin moliyaviy hududga kira olmadi. Uning barcha urinishlari barbod bo‘ldi; hatto kofe ichmoqchi bo‘lganida, termos bo‘sh edi. Bankdan chiqmoqchi bo‘lganda esa eshikdan o‘tolmay, yana qamalib qoldi. Politsiya deyarli ikki yarim soat o‘tib yetib keldi va yigitni zinapoyalar ostida yaralangan holda topdi. Tekshiruvda u giyohvand modda yoki spirtli ichimlik ta’sirida ekani aniqlangan. Hozir u tibbiy ko‘rikdan o‘tkazilib, ish sudga taqdim etilgan. Yigitning muvaffaqiyatsiz va kulgili urinishlari ijtimoiy tarmoqlarda barchani kuldirdi.