Shavkat Mirziyoyev: “Bizning kuchimiz — birlikda”

16-noyabr kuni Markaziy Osiyo davlatlari rahbarlarining VII Maslahat uchrashuvida Prezident Shavkat Mirziyoyev mintaqani rivojlantirishning 7 ta asosiy yo‘nalishini ta’kidladi:

1. Mintaqaviy integratsiya – hududiy masalalar tartibga solindi, chegaralar ochildi, savdo 10,7 mlrd dollarga yetdi, investitsiyalar 17% oshdi.
2. Institutsional mustahkamlash – “Markaziy Osiyo hamjamiyati” platformasi, Kotibiyat, Oqsoqollar kengashi va milliy muvofiqlashtiruvchilar maqomi taklif qilindi.
3. Iqtisodiyot va investitsiyalar – savdo hajmini 1,5–2 barobar oshirish, yagona investitsiya makoni, elektron tijoratni rivojlantirish.
4. Infratuzilma va transport – temiryo‘l va tranzit loyihalari bo‘yicha hamkorlik, Kengash tuzish.
5. Xavfsizlik va Afg‘oniston – mintaqaviy xavfsizlik konsepsiyasi, Afg‘onistonni loyihalarga integratsiya, “Farg‘ona tinchlik forumi”.
6. Iqlim va suv – 2026–2036-yillarni suvdan oqilona foydalanish o‘n yilligi e’lon qilish, mintaqaviy kompetensiya markazi.
7. Gumanitar soha – ilmiy va madaniy hamkorlik, Xalqaro kongress, ilmiy tadqiqotlar jamg‘armasi, BMT rezolyutsiyasi.

Mirziyoyev mintaqaviy hamkorlikni mustahkamlash, xavfsizlik va barqaror taraqqiyotga erishish hamda Ozarbayjonning Maslahat formatiga qo‘shilishini tarixiy qadam deb baholadi. Turkmaniston esa 2026-yilda yangi “Markaziy Osiyo va Ozarbayjon” formatida uchrashuvga raislik qiladi.

Prezident so‘zini shunday yakunladi: “Bizning kuchimiz — birlikda, muvaffaqiyat sari yo‘limiz — do‘stlik va hamkorlikda.”