O‘zbekistonda pedofillar umrbod ozodlikdan mahrum qilinadi

3-mart kuni Prezident Shavkat Mirziyoyev ayollar va bolalar huquqlarini yanada kuchaytirish, ularga nisbatan zo‘ravonlikning oldini olishga qaratilgan yangi tashabbuslar bilan tanishdi va tegishli farmonni imzoladi.

Hujjatga ko‘ra:

🔹Shahvoniy shilqimlik uchun belgilangan 5 sutkagacha ma’muriy qamoq jazosi qat’iylashtiriladi.

🔹Pedofillar uchun umrbod ozodlikdan mahrum qilishgacha bo‘lgan jazo belgilanishi nazarda tutilmoqda.

🔹Jinoyat kodeksining 118 va 119-moddalari bo‘yicha voyaga yetmaganlarga nisbatan jinsiy jinoyat sodir etgan mahkumlar manzil-koloniyalarga o‘tkazilmaydi.

🔹Jinsiy jinoyatlarga oid 6 ta modda bo‘yicha tergov vakolati ichki ishlar organlaridan prokuraturaga o‘tkaziladi.

🔹Shahvoniy shilqimlik bo‘yicha ma’muriy ishlarni ko‘rib chiqishda jinoyat alomatlari yo‘qligi haqida prokuror qarori majburiy bo‘ladi.

🔹Ayollar va bolalarga nisbatan zo‘ravonlik jinoyatlari bilan maxsus tayyorgarlikdan o‘tgan advokatlar, tergovchilar va sudyalar shug‘ullanadi.

🔹Zo‘ravonlikdan jabrlangan va himoya orderi berilgan xotin-qizlar uchun maxsus SOS ilovasi joriy etiladi. Tugma bosilganda 5 km radiusdagi ichki ishlar xodimlari 10 daqiqa ichida yetib kelishi ta’minlanadi.

Prezident mazkur tashabbuslarni ma’qullab, ularni keng jamoatchilikka yetkazish bo‘yicha topshiriqlar berdi.