Toshkentda qurol izlagan erkak ruhiy kasalliklar shifoxonasiga joylashtirildi

Ijtimoiy tarmoqlarda Toshkent shahar Mirobod tumani Taras Shevchenko ko‘chasida bir erkak odamlarga avtomat rasmini ko‘rsatib, uni qayerdan sotib olishni so‘rayotgani aks etgan video tarqaldi. Guvohlarning so‘zlariga ko‘ra, u “100 kishini otish” niyatida ekanligini aytgan. Shundan so‘ng voqea joyidan ketib qolgan.
Holat yuzasidan tergovga qadar tekshiruv o‘tkazilgan. Tekshiruv davomida 2006-yilda tug‘ilgan mazkur fuqaroning ruhiy nosog‘lom ekani aniqlanib, ruhiy-asab kasalliklari shifoxonasiga joylashtirilgan. Tekshiruv yakuni bo‘yicha qonuniy qaror qabul qilinishi ma’lum qilingan.