Lukashenkoga yig‘ilishda snyus taklif qilindi

Belarus prezidenti Aleksandr Lukashenkoga Vazirlar Kengashi bilan yig‘ilish chog‘ida mamlakat bosh vaziri Aleksandr Turchin prezidentga tutunsiz tamaki mahsulotini uzatdi. Ushbu holat aks etgan video ijtimoiy tarmoqlarda keng tarqaldi. Videoda Lukashenko mahsulot tarkibi haqida so‘raydi, bosh vazir esa unda nikotin borligi va tinchlantiruvchi ta’sirga ega ekanini aytadi. Prezident esa kinoya bilan bunday vosita rasmiy muhokamalarga halaqit berishi mumkinligini bildiradi va uni iste’mol qilishdan bosh tortadi. Ma’lum qilinishicha, yig‘ilishning asosiy mavzusi yoshlar salomatligini himoya qilish va nikotin mahsulotlarini tartibga solish masalasi bo‘lgan.