- 2
- 15.12.2025 16:57:00
- 1 мин оқу
Futbol afsonasi Lionel Messi o‘ziga bag‘ishlangan dunyodagi eng yirik haykalni tantanali ravishda masofadan turib ochib berdi. Hindistonning Kalkutta (Kolkata) shahrida o‘rnatilgan ushbu haykalning balandligi 20 metr bo‘lib, u Messi muxlislari uchun yangi ramzga aylandi.
Haykalning ochilish marosimida Messining yaqin klubdoshlari — Luis Suares va Rodrigo De Pol ham ishtirok etdi. Tadbirda minglab mahalliy futbol ishqibozlari to‘planib, Argentinaning jahon chempioni va sakkiz karra “Oltin to‘p” sohibiga bo‘lgan cheksiz muhabbatini namoyish etdi.
Dastlab, haykalni ochish marosimi 70 ming tomoshabinga mo‘ljallangan stadionda, Messi shaxsan ishtirokida o‘tkazilishi rejalashtirilgan edi. Biroq xavfsizlik bilan bog‘liq masalalar sabab ushbu reja bekor qilindi. Shunga qaramay, tashkilotchilar Messining hindistonlik muxlislari bilan stadionda uchrashuvi baribir o‘tkazilishini ma’lum qilishdi.
Kalkuttada Messi sharafiga haykal o‘rnatilishi Hindistonda futbolga, ayniqsa, argentinalik yulduzga bo‘lgan muhabbat naqadar kuchli ekanini ko‘rsatadi. Ushbu voqea Messi nomini nafaqat sport tarixida, balki global madaniy ramz sifatida ham yanada mustahkamladi.
