Bangladesh sobiq bosh vaziri Shayx Hasina o‘limga hukm qilindi

Bangladesh sobiq bosh vaziri Shayx Hasina 17-noyabr kuni insoniyatga qarshi jinoyatlar sodir etganlikda aybdor deb topilib, o‘lim jazosiga hukm qilindi. Maxsus tribunal qaroriga ko‘ra, Hasina 2024-yilda talabalarning ommaviy norozilik namoyishlarini zo‘ravonlik bilan bostirishga buyruq bergan. BMT ma’lumotlariga ko‘ra, voqealarda 1 400 ga yaqin odam halok bo‘lgan.
Hasina sud qarorini “noxolis va siyosiy motivatsiyalangan” deb atadi. U hokimiyatdan chetlatilgach Hindistonda surgunda yashab kelgan va sud majlislarida qatnashmagan. Hukm e’lon qilinishi ortidan Bangladesh bo‘ylab xavfsizlik choralari kuchaytirildi, ba’zi hududlarda noroziliklar boshlangan.

Shayx Hasina — 1947-yilda Bangladeshda tug‘ilgan siyosatchi. 1975-yilda oilasi o‘ldirilgach Hindistonga surgun qilingan. 1981-yilda qaytib, Awami League partiyasiga rahbar bo‘lgan. Bosh vazir sifatida 1996-yilda birinchi marta, keyin 2009–2024-yillarda mamlakatni boshqargan.