Алматы маңында жер сілкінісі тіркелді

АСТАНА, 2 қыркүйек – Sputnik. Сенбі күні таңертең Астана уақытымен 07:06-да Алматыдан оңтүстік-шығысқа қарай 253 шақырым жерде сейсмологтар жер сілкінісін тіркеді. Бұл туралы Сейсмологиялық тәжірибе-әдістемелік экспедициясы (СӘМ) хабарлады.

Хабарламаға сәйкес, жер сілкінісінің энергетикалық класы - 10,8, магнитудасы MPV - 4,7. Қабылдау туралы ақпарат (MSK-64 шкаласы бойынша): жоқ. Сейсмологтардың мәліметінше, жер сілкінісінің ошағы Қытай мен Қырғызстан шекарасында орналасқан.

Шілде айының соңында Қазақстанның Төтенше жағдайлар министрлігі жер сілкінісі мониторингін жақсартуды жоспарлап отырғаны хабарланған, себебі қолданыстағы сейсмикалық станциялар «заман талабына толық жауап бермейді».

Бұл үшін олар 72,4 млрд теңге бөлуді жоспарлап отыр.