Sardor Mamadaliyevga yo‘lda kamar taqmagani uchun chora ko‘rildi

Xonanda Sardor Mamadaliyev marhum san’atkor Sherali Jo‘rayev qo‘shiqlarini ijro etgani sabab sudga berilganini ma’lum qildi. Uning aytishicha, da’vo yana 20 nafar ijodkorga nisbatan ham qo‘zg‘atilgan.
Xonanda bu haqdagi videomurojaatni mashina haydab ketayotib, yozib olgan. Mashina boshqaruvi paytida xavfsizlik kamarini taqmagani uchun unga nisbatan ma’muriy bayonnoma rasmiylashtirildi. Xonanda asabiy holatda bo‘lgani sababli xavfsizlik kamari taqishni unutib qo‘yganini aytgan.