Ең төменгі жалақының өсуі 1,8 млн-ға жуық қазақстандыққа қатысты болады

АСТАНА, 6 қыркүйек – Sputnik. 2024 жылдың 1 қаңтарынан бастап ең төменгі жалақы 70-тен 85 мың теңгеге дейін өседі. Еңбек және халықты әлеуметтік қорғау министрлігі өсім кімге әсер ететінін айтты.

Ең алдымен, ең төменгі жалақының өсуі «төмен жалақы алатын» жұмысшыларға әсер етеді. Екіншіден, жалақы деңгейін белгілеу кезінде ең төменгі жалақы көрсеткішін пайдаланатын жұмыс берушілер санат аралық біліктілік жүйесін ескере отырып, басқа санаттағы қызметкерлердің жалақысын да қайта қарайды.

Осының арқасында әртүрлі меншік нысанындағы кәсіпорындарда барлық салаларда жұмыс істейтін 1,8 миллионға жуық қызметкердің, оның ішінде 350 мыңға жуық бюджеттік қызметкердің ақшалай кірісі артады.

Қазақстанда 2022 жылдан бастап ең төменгі жалақы жыл сайын өседі. 2024 жылдың 1 қаңтарынан бастап 85 мың теңгеге дейін келесі өсуді ескере отырып, үш жылдағы ең төменгі жалақы 2 есеге өседі, деп толықтырды ведомство.

Ең төменгі жалақы мөлшері орташа жалақы мен еңбек өнімділігін ескере отырып белгіленетіні атап өтілді.