2023 жылы Ақтау порты арқылы бұрынғымен салыстырғанда 58%-ға артық мұнай тасымалданды – ҚТЖ

АСТАНА, 5 қыркүйек – Sputnik. 2023 жылдың 7 айында Ақтау теңіз сауда порты арқылы 2,6 миллион тоннадан астам құрғақ және мұнай жүктері ауыстырылды, бұл өткен жылдың сәйкес кезеңімен салыстырғанда 24%-ға жоғары, деп хабарлады «Қазақстан темір жолы» ұлттық компаниясы.

«Портта 142 мың тонна астық, 114 мың тонна металл, 13 мыңнан астам контейнер өңделді», - деп атап өтті компания.

Сонымен қатар, қазақстандық мұнай экспортын Баку-Тбилиси-Джейхан бағытына қайта бағдарлау есебінен мұнайды ауыстырып тиеу 2022 жылмен салыстырғанда 58%-ға - 2,1 млн тоннаға дейін өсті. Ақтау порты арқылы түсті металдар экспортының артуы есебінен металл тасымалдау да 87%-ға өсті.