Hindistonda yosh yigit va uning ota-onasi tepalikdan qulab, halok bo‘ldi

Hindistonning Maxarashtra shtatida bir oilaning uch a’zosi tepalikdan qulab, halok bo‘ldi.

Ma’lum qilinishicha, yigit ota-onasi bilan yuzaga kelgan oilaviy mojarodan keyin o‘z joniga qasd qilish uchun tepalikka chiqqan. Ayrim manbalarda mojaro yangi telefon, xususan, iPhone olish va uning to‘lovlari masalasida kelib chiqqani aytilgan.

Ota-onasi uning ortidan borib, qariyb uch soat davomida uyga qaytishga ko‘ndirishga uringan. Yigit tepalikdan qulaganida, uni qutqarishga uringan otasi ham qulab tushgan. Ko‘p o‘tmay onasi ham o‘zini tepalikdan tashlagan.

Natijada uchovlon ham halok bo‘lgan. Politsiya hodisa yuzasidan tergov boshlagan.